Магазин «Академическая книга», 220012, г. Минск, пр-т Независимости, 72, г. Минск, Республика Беларусь. E-mail: akademkniga@tut.by; akademknigaminsk@mail.ru . Сайт: www.akademkniga.by Тел/Факс: +375 (17) 292-00-52, 292-46-52, 292-50-43. Skype: akademknigaminsk У автора. Заявки: dmitriy_drozd@hotmail.com
Кніга «Таямніцы Дуніна-Марцінкевіча» прысвечана 210-годдзю беларускага класіка і змяшчае новыя і малавядомыя факты з яго біяграфіі, а таксама звесткі пра яго родных і блізкіх ды іх час. Але гэта і кніга пра Беларусь — пра нашу гісторыю, напісаная беларусам для беларусаў. Кніга ўводзіць у навуковы зварот дзясяткі новых фактаў і дакументаў з жы- цця «самага вывучанага беларускага класіка», шмат з іх (з архіваў Беларусі, Польшчы, Літвы і Расіі) апублікаваныя ў «Таямніцах» упершыню. Аўтар руйнуе многія міфы, створаныя яшчэ пад уплывам савецкай ідэалогіі. Аспрэчвае ці ўда- кладняе звесткі, якія ўжо трапілі ў энцыклапедыі і падручнікі. Значна пашырае геаг- рафію, звязаную з сям'ёй Марцінкевічаў: Вільня, Глуск, Слуцк, Слонім… Чытач «Таямніц…» атрымае адказы на пытанні, якія стагоддзе не мелі адказаў. Ці быў Марцінкевіч «Дуніным»? Ці былі яго продкі датчанамі? Ці можна верыць ягонаму і ўвогуле любому дваранскаму радаводу? Як, калі і за што ён трапляў у Мінскі ту- рэмны замак? Ці падрабляў Дунін-Марцінкевіч каралеўскія граматы? Ці выкрадаў ён сваю няпоўнагадовую нявесту? Кім прыходзіліся Марцінкевічы мітрапаліту ўсіх рымска-каталіцкіх цэркваў у Расіі С. Богушу-Сестранцэвічу? Ці быў Вінцэнт з дзяцінства сіратой? Ці былі Марцінкевічы беднымі? Дзе, калі памерлі і пахаваны яго маці і самая вядомая дачка Каміла? Ці магчымы адкрыцці ў біяграфіях такіх зо- рак беларускага нацыянальнага Алімпа, як В. Дунін-Марцінкевіч, А. Міцкевіч, Т. Рэйтан, Т. Касцюшка і інш. Што такое цяжар канчатковай вывучанасці?.. Адказы на гэтыя пытанні, а таксама новыя факты і дакументы ствараюць зусім новы, значна больш сучасны, цікавы і аб'ектыўны вобраз В. Дуніна-Марцінкевіча. Кніга разлічаная на прафесійных гісторыкаў, літаратуразнаўцаў, выкладчы- каў беларускай літаратуры і гісторыі, а таксама на шырокае кола чытачоў.